У суд Цэнтральнага раёну Менску паступіла крымінальная справа па абвінавачаньні менчука ў хуліганстве і гвалце ў дачыненьні да міліцыянта.
Гутарка пра здарэньне ўвечары 24 чэрвеня, калі пры праходжаньні вайсковай тэхнікі па вуліцы Арлоўскай у Менску на рэпэтыцыю параду 33-гадовы нецьвярозы мужчына зьняў штаны, а потым, уцякаючы ад міліцыянта, даў яму поўху. Ён быў затрыманы, віну прызнаў, цяпер пад вартай.
Яму пагражае абмежаваньне волі на тэрмін да 5 год або да 6 год пазбаўленьня волі.
Дата і час пачатку судовага разбору пакуль ня вызначаныя.
