Раней паліцыянты ўстанавілі асобу падазраванага. Гэта грамадзянін Марока Абдэрахман Мэчках. Яму 18 гадоў. Ён прыбыў у Фінляндыю ў цэнтар прыёму ўцекачоў. Пры затрыманьні Мэчкаха паранілі. Цяпер ён знаходзіцца ў шпіталі. З судзьдзём ён гаварыў па відэасувязі празь перакладчыка.
18 жніўня зламысьнік напаў з нажом на людзей у цэнтры Турку. Два чалавекі загінулі, восем былі параненыя. Па падазрэньні ў дачыненьні да злачынства паліцыя затрымала чатырох чалавек. Яшчэ адзін знаходзіцца ў міжнародным вышуку. Паліцыя расьсьледуе напад як тэракт.
