Лінкі ўнівэрсальнага доступу

Нажавы напад у фінскім горадзе Турку: двое забітыя, сем параненых


На месцы здарэньня, Турку, 18.08.2017

У цэнтры фінскага гораду Турку чалавек з нажом напаў на мінакоў, паліцыя параніла нападніка, паведамляе yle.fi.

9 чалавек з нажавымі раненьнямі дастаўленыя ў шпіталь. Двое памёрлі, трое праапэраваныя.

Паліцыя ў правінцыі Уусімаа і ў Хэльсынкі павысіла баявую гатовасьць з прычыны падзеяў у Турку. Таксама павышаныя захады бясьпекі ў аэрапорце Хэльсынкі-Вантаа.

У цэнтры Турку ідзе паліцэйская апэрацыя. Паводле дадзеных відавочцаў, у раёне былі чутныя стрэл або стрэлы.

Паводле інфармацыі газэты Turun Sanomat, у раёне было заўважана, як зь месца падзеяў беглі людзі з бэйсбольнымы бітамі.

На месца прыбыў атрад паліцыі ў бронекамізэльках. Жыхарам гораду раяць не выходзіць у цэнтар гораду.

Паліцыя параніла ў ніжнюю частку цела аднаго з падазраваных у нажавых атаках - ён затрыманы. Падазраваны ў шпіталі. Асоба яго пакуль ня высьветленая.

Паліцыя не камэнтуе, ці ідзе гаворка пра акт тэрарызму.

Ваша меркаваньне

Паказаць камэнтары

XS
SM
MD
LG