Лінкі ўнівэрсальнага доступу

Паўночная Карэя абяцае падрыхтаваць плян ўдару па базах ЗША да сярэдзіны жніўня


КНДР да сярэдзіны жніўня завершыць працу над плянам прэвэнтыўнага ўдару па раёне ціхаакіянскай выспы Гуам, дзе знаходзяцца амэрыканскія вайсковыя базы. Пра гэта заявіла камандаваньне арміі Паўночнай Карэі.

У Пхэньяне адзначылі, што рыхтуюць запуск ракет сярэдняй далёкасьці «Хвасон-12». Паводле пляну, яны павінны праляцець над Японіяй і ўпасьці ў ваду за некалькі дзясяткаў кілямэтраў ад Гуаму. У кіраўніцтве КНДР сьцьвярджаюць, што іх ракетная праграма накіраваная выключна на стрымліваньне амэрыканскіх сіл у рэгіёне.

Напярэдадні міністар абароны ЗША Джэймс Мэтыс заклікаў Паўночную Карэю спыніць распрацоўку ядзернай зброі і выйсьці з самаізаляцыі. Да гэтага прэзыдэнт ЗША Дональд Трамп паабяцаў адказаць на паўночнакарэйскую пагрозу «агнём і лютасьцю, якой сьвет ніколі ня бачыў». Словы кіраўніка Белага дому сталі рэакцыяй на заявы Пхэньяну аб тым, што ў краіне вырабілі ядзерную боегалоўку.

У мінулую суботу Рада Бясьпекі ААН аднагалосна прыняла рэзалюцыю аб узмацненьні жорсткасьці санкцый супраць КНДР у адказ на выпрабаваньні міжкантынэнтальных балістычных ракет. Паўночная Карэя адпрэчыла гэты дакумэнт і заявіла, што ён парушае яе сувэрэнітэт.

Ваша меркаваньне

Паказаць камэнтары

XS
SM
MD
LG