У паведамленьні прэс-службы падкамісіі ад 9 жніўня гаворыцца, што распад крыла самалёта пачаўся яшчэ перад сутыкненьнем яго зь бярозай.
Праца цяперашняй падкамісіі па высьвятленьні прычынаў смаленскай катастрофы, у якой 10 красавіка 2010 году загінуў прэзыдэнт Польшчы Лех Качынскі і яшчэ 95 чалавек, выклікае ў Польшчы шмат засьцярог. Падкамісія была сфармаваная пасьля таго, як да ўлады ў краіне прыйшла партыя Права і справядлівасьць, кіраваная Яраславам Качыньскім, братам загінулага прэзыдэнта.
Папярэдняя камісія, якая вывучала катастрофу, зрабіла выснову, што прычынай катастрофы стала недапушчальнае зьніжэньне самалёту падчас спробы прызямленьня і сутыкненьне з дрэвамі. Паводле гэтай папярэдняй камісіі, рэгістратары палёту, якія знаходзіліся на борце самалёта, не пацьвярджаюць вэрсіі аб выбуху ў машыне.
