Сем фактаў пра новага прадстаўніка Беларусі пры ААН 

Пра гэта паведамляе агенцтва БелТА са спасылкай на прэсавую службу кіраўніка Беларусі. Што вядома пра Валянціна Рыбакова:

1) Нарадзіўся ў 1958 годзе ў расейскім горадзе Томск.

2) Скончыў з адзнакай перакладчыцкі факультэт Менскага дзяржаўнага пэдагагічнага інстытуту замежных моў па спэцыяльнасьці «ангельская і француская мовы».

3) Прайшоў стажыроўку ў Інстытуце зьнешнепалітычнай службы Дзяржаўнага дэпартамэнту ЗША (1994).

4) Быў на розных пасадах у Міністэрстве замежных спраў і пасольствах Беларусі за мяжой, у тым ліку першым сакратаром пасольства ў ЗША. Мае дыпляматычны ранг Надзвычайнага і Паўнамоцнага Пасла.

5) З 2006 па 2013 год быў памочнікам прэзыдэнта Беларусі.

6) Са студзеня 2013 году быў намеснікам Міністра замежных спраў Рэспублікі Беларусь.

7) Мае сына.