Лінкі ўнівэрсальнага доступу

Зроблены яшчэ адзін крок у кірунку, які адных вельмі натхняе, а іншых гэтак жа моцна палохае, — да генэтычнага мадыфікаваньня чалавека.

На мінулым тыдні ў часопісе Nature быў апублікаваны артыкул з апісаньнем пасьпяховага экспэрымэнту па рэдагаваньні мутацыі ў ДНК чалавечага эмбрыёну. Дасьледчыкам удалося выправіць памылку ў гене MYBPC3 на 11-й храмасоме — гэтая мутацыя ў многіх выпадках прыводзіць да гіпэртрафічнай кардыяміяпатыі, невылечнага спадчыннага захворваньня.

Генна-мадыфікаваны чалавек на сьвет ня зьявіцца — прынамсі на гэты раз. Дасьледчая група з Аргонского ўнівэрсытэту пад кіраўніцтвам выхадца з Казахстану Шухрата Міталіпава працавала з донарскімі яйкаклеткамі, атрыманымі ад 12 здаровых жанчын, і донарскай спэрмай аднаго мужчыны, ДНК якога несла мутацыю ў гене MYBPC3. Навукоўцы спрабавалі «паправіць» памылку ў генэтычным кодзе спэрматазоіда, а затым давалі аплодненай ім яйцаклетцы разьвіцца на працягу некалькіх дзён.

Эмбрыёны з выпраўленай мутацыяй
Эмбрыёны з выпраўленай мутацыяй

Мутацыю нясе палова спэраматазоідаў донара, так што ў звычайнай сытуацыі палова эмбрыёнаў ўспадкавала бы генэтычную памылку. Але ў ходзе экспэрымэнту здаровымі выявіліся 42 эмбрыёны з 58, гэта значыць 72,4 адсотка. Гэта статыстычна значная розьніца, якая ўказвае на тое, што ўпершыню ў гісторыі навукоўцы здолелі паспяхова выправіць мутацыю ў ДНК чалавечага эмбрыёна.

Больш падрабязна пра гэта можна прачытаць тут.

Ваша меркаваньне

Паказаць камэнтары

XS
SM
MD
LG