Лінкі ўнівэрсальнага доступу

У Бэрліне з-за нацысцкага прывітаньня затрымалі двух кітайцаў


Будынак Бундэстагу ў Бэрліне

Турыстаў, аднаму зь якіх 36 гадоў, а другому — 49, адпусьцілі з-пад варты пасьля ўнясеньня кожным з іх закладу ў памеры 500 эўра.

5 жніўня ў Бэрліне паліцыя затрымала двух турыстаў з Кітая. Яны фатаграфавалі адзін аднаго на фоне будынка Рэйхстага, дэманструючы пры гэтым нацысцкае прывітаньне ў форме выкінутай уверх правай рукі, перадае DW.com.

Пра гэта паліцыі паведамілі ахоўнікі будынка, у якім засядае нямецкі парлямэнт — Бундэстаг. Турыстаў, аднаму з якіх 36 гадоў, а другому — 49, адпусьцілі з-пад варты пасьля ўнясеньня кожным з іх закладу ў памеры 500 эўра.

Супраць абодвух распачалі крымінальную справу за выкарыстаньне сымболікі антыканстытуцыйных арганізацый.

У Нямеччыне выкарыстаньне нацысцкай сымболікі забаронена Крымінальным кодэксам. Да такой сымболікі адносяцца сьцягі, значкі, асобныя прадметы ўніформы, лёзунгі, формы прывітаньня і іншае.

Ваша меркаваньне

Паказаць камэнтары

XS
SM
MD
LG