Лінкі ўнівэрсальнага доступу

Кіраўнік МЗС Нямеччыны раскрытыкаваў новыя санкцыі ЗША супраць Расеі


Міністар замежных спраў Нямеччыны Зiгмар Габрыэль

Міністар замежных спраў Нямеччыны Зiгмар Габрыэль заявіў, што ЗША, уводзячы санкцыі, пераследуюць свае эканамічныя інтарэсы на газавым рынку Еўропы.


Паводле Габрыэля, новыя санкцыі ЗША супраць Расеі, закон аб якіх амэрыканскі прэзыдэнт ЗША Дональд Трамп падпісаў 2 жніўня, «больш чым праблематычныя».

Як паведамляе «Голас Амэрыкі», выступаючы 4 жніўня ў горадзе Вольфсбург на поўначы краіны, Габрыэль раскрытыкаваў Злучаныя Штаты за адыход ад супрацоўніцтва з Эўразьвязам у пытаннях санкцыйных палітыкі супраць Масквы. Ён заявіў, што гэтае супрацоўніцтва было ключавым фактарам для паспяховай выпрацоўкі жорсткага адказу на дзеянні Крамля ў мінулым.

«У законапраекце дакладна пазначана, што яны (ЗША) пераследуюць эканамічныя мэты, і мы лічым гэта непрымальным», — сказаў Габрыэль. «Агрэсіўнае спалучэнне пытанняў знешняй палітыкі з амерыканскімі эканамічнымі інтарэсамі і заявы пра тое, што яны хочуць выціснуць расейскі газ з Эўрапейскага рынку, каб прадаваць амэрыканскі, для нас абсалютна непрымальныя», — дадаў ён.

XS
SM
MD
LG