Сотні жанчын выйшлі на марш супраць гвалту і абмежаваньняў у вопратцы ў Стамбуле. Яны заявілі, што не зьбіраюцца апранацца больш традыцыйна, маўчаць і баяцца.
Па словах пратэстуючых, у Турцыі ўзрасьлі выпадкі гвалту над жанчынамі з-за зьнешняга выгляду. У чэрвені ў Стамбуле зьбілі дзяўчыну за тое, што яна насіла шорты падчас сьвятога для мусульман месяцу Рамадан. Да маршу за правы жанчын далучыліся ЛГБТ-актывісты і трансгендэры. Месяц таму ўлады Стамбулу не дазволілі ім правесьці гей-парад.
