Прэзыдэнт ЗША Дональд Трамп заявіў, што расчараваны бязьдзейнасьцю кітайскіх уладаў у сытуацыі вакол КНДР.
«Я вельмі расчараваны ў Кітаі. Нашыя папярэднія неразумныя лідэры дазволілі яму зарабляць сотні мільёнаў даляраў у год на гандлі, а ён ня робіць для нас нічога ў сытуацыі з Паўночнай Карэяй, а толькі кажа», — напісаў Трамп у сваім твітэры.
ЗША не дазволяць, каб гэта працягвалася, паколькі Кітай «лёгка можа вырашыць гэтую праблему», дадаў амэрыканскі прэзыдэнт.
За дзень да гэтага Паўночная Карэя зьдзейсьніла другі за месяц запуск міжкантынэнтальнай балістычнай ракеты.
