Лінкі ўнівэрсальнага доступу

Дадону не далі пайсьці шляхам Лукашэнкі


Прэзыдэнт Малдовы Ігар Дадон

Канстытуцыйны суд Рэспублікі Малдова пастанавіў, што ўказ прэзыдэнта Ігара Дадона аб арганізацыі рэспубліканскага кансультатыўнага рэфэрэндуму зьяўляецца неканстытуцыйным з прычыны вынесеных на яго пытаньняў.

Кіраўнік Малдовы 28 сакавіка падпісаў ўказ аб правядзеньні кансультатыўнага рэфэрэндуму па 4 пытаньнях:

1. Ці падтрымліваеце вы адмену закону, які перакладае вяртаньне скрадзенага мільярды на плечы грамадзян?

2. Ці падтрымліваеце вы надзяленьне прэзыдэнта дадатковымі канстытуцыйнымі паўнамоцтвамі для роспуску парлямэнту і аб’яўленьня датэрміновых парлямэнцкіх выбараў?

3. Ці падтрымліваеце вы скарачэньне ліку дэпутатаў з 101 да 71?

4. Ці падтрымліваеце вы вывучэньне ў школах гісторыі Малдовы замест гісторыі румынаў?

Праверыць законнасьць указу прэзыдэнта аб арганізацыі кансультатыўнага рэфэрэндуму запатрабавала Лібэральная партыя Малдовы. Рашэньне Канстытуцыйнага суду зьяўляецца канчатковым і ўступае ў сілу з моманту яго прыняцьця.

Вынікі шматлікіх апытаньняў грамадзкай думкі паказалі, што большасьць грамадзянаў падзяляюць пазыцыю прэзыдэнта і гатовыя даць станоўчы адказ на кожнае з прапанаваных ім на рэфэрэндум пытаньняў.

Ваша меркаваньне

Паказаць камэнтары

XS
SM
MD
LG