Лінкі ўнівэрсальнага доступу

Францыя плянуе істотнае скарачэньне абароннага бюджэту


Начальнік Генэральнага штабу Ўзброеных сіл Францыі генэрал П’ер дэ Вілье падаў у адстаўку з прычыны рознагалосьсяў з прэзыдэнтам краіны Эманюэлем Макронам у сувязі з плянамі ўраду скараціць абаронны бюджэт.

У заяве генэрал напісаў, што больш ня можа «гарантаваць жыцьцяздольнасьць той мадэлі арміі», якая павінна гарантаваць бясьпеку ў краіне. Прэзыдэнт ужо прыняў адстаўку дэ Вілье.

На мінулым тыдні кіраўнік генштабу Францыі надзвычай рэзка выказаўся пра пляны скарачэньня вайсковых выдаткаў у бягучым годзе на 850 мільёнаў эўра. Пасьля чаго Макрон, выступаючы перад францускімі вайскоўцамі з нагоды нацыянальнага сьвята — Дня ўзяцьця Бастыліі, публічна заклікаў генэрала да субардынацыі. Прэзыдэнт нагадаў, што зьяўляецца галоўнакамандуючым, і заявіў, што ў выпадку нязгоды зь ім начальнік Генштабу мусіць сысьці.

Генэрал дэ Вілье ўзначальваў Генэральны штаб Узброеных сілаў Францыі зь лютага 2014 году. Яго паўнамоцтвы меліся скончыцца праз год.

Ваша меркаваньне

Паказаць камэнтары

XS
SM
MD
LG