Лінкі ўнівэрсальнага доступу

Суд у Стамбуле пакінуў праваабаронцаў пад вартай


Кіраўніца турэцкага аддзяленьня Amnesty International Ідзіль Эсэр

Кіраўніца турэцкага аддзяленьня Amnesty International Ідзіль Эсэр і яшчэ пяць праваабаронцаў, сярод якіх экспэрты зь Нямеччыны і Швэцыі, застануцца да заканчэньня сьледзтва пад вартай.

Такое рашэньне прыняў суд у Стамбуле 18 ліпеня, паведамляе Deutsche Welle. Яшчэ чацьвярых чалавек адпусьцілі пад падпіску аб нявыезьдзе.

Эсэр разам з групай праваабаронцаў была затрыманая 5 ліпеня падчас сэмінару, які праходзіў у адным з гатэляў непадалёк ад Стамбулу. Грамадзяне Нямеччыны і Швэцыі выступалі на сустрэчы ў якасьці запрошаных дакладчыкаў.

Праваабаронцаў вінавацяць у сувязях з «тэрарыстычнай групоўкай», якая, на думку Анкары, арганізавала спробу дзяржаўнага перавароту ў ліпені 2016 году. Пра якую менавіта тэрарыстычную групоўку ідзе гаворка, не ўдакладняецца.

XS
SM
MD
LG