Лінкі ўнівэрсальнага доступу

Саліст Depeche Mode Дэйв Гаан знаходзіцца ў 9-м менскім шпіталі з кішэчным расстройствам


55-гадовы саліст знакамітага брытанскага рок-гурту Depeche Mode Дэйв Гаан знаходзіцца ў 9-м менскім шпіталі з кішэчным расстройствам. Канцэрт калектыву ў беларускай сталіцы перанесены з 17 ліпеня на больш позьні тэрмін.

«Музыканту стала дрэнна а 15.30, — паведаміў на экстранай прэсавай канфэрэнцыі арганізатар канцэрту Андрэй Аляксееў. — Да 18 гадзін лекары не маглі адказаць на пытаньне, ці зможа Гаан удзельнічаць у канцэрце».

Паводле словаў лекараў, на якіх спаслаўся Аляксееў, яшчэ спатрэбіцца прыкладна 12 гадзін, каб паставіць дыягназ. У цяперашні час, паводле словаў Аляксеева, Гаан адчувае сябе «няважна».

Арганізатар шоў паведаміў, што было прададзена сем з дванаццаці тысяч білетаў. Канцэрт быў адменены за гадзіну да пачатку.

На сайце гурту было абвешчана, што новая дата канцэрту павінна быць вызначана на працягу бліжэйшага тыдня.

Пра гэта інфармуе БеаПАН.

Ваша меркаваньне

Паказаць камэнтары

XS
SM
MD
LG