Паводле паправак, унесеных у закон аб тэрытарыяльным назіраньні, такім людзям забараняецца ўезд і знаходжаньне ў краіне. Парушальнікаў закону чакае крымінальны перасьлед.
Як паведамляе фінскі партал Yle, гаворка ідзе пра «зялёных чалавечкаў», і гэты тэрмін зьвязаны з зялёнай формай без апазнавальных знакаў, у якой расейскія вайскоўцы захапілі Крым у 2014 годзе. У выпадку з Фінляндыяй маюцца на ўвазе вайскоўцы, якія дзейнічаюць у інтарэсах замежнай дзяржавы, альбо ад яе імя, альбо з яе згоды.
Мінабароны Фінляндыі лічыць, што новы закон прыняты дзеля забесьпячэньня тэрытарыяльнай недатыкальнасьці краіны ва ўмовах зьмяненьня сытуацыі ў сьвеце.
