Лінкі ўнівэрсальнага доступу

«Наступныя цэлі Пуціна: Беларусь і мяжа Ўкраіны і Малдовы», — экспэрт ЗША


Тактыка Расеі — вельмі ўзважаная — яны ведаюць, што прайграюць у адкрытай канфрантацыі (з Захадам), таму спрабуюць нападаць на лёгкія цэлі, там дзе адказ Захаду можа стаць больш слабым і неадназначным.

Пра гэта заявіў выканаўчы віцэ-прэзыдэнт аналітычнага цэнтра Atlantic Council Дэйман Уілсан у сваіх паказаньнях перад камітэтам Сэната па ўзброеных сілах.

Найбольш лёгкай цэльлю для Пуціна можа стаць Беларусь, лічыць экспэрт.

Магчыма, яны і ня сыдуць, магчыма яны нешта зробяць, каб узмацніць хватку вакол Беларусі

Расея і Беларусь рыхтуюцца да маштабных ваенных вучэньняў «Захад-2017». Перад вучэньнямі, назіраецца значнае перамяшчэньне расейскіх войскаў па тэрыторыі Беларусі.

«Магчыма, яны і ня сыдуць (пасьля вучэньняў), магчыма яны нешта зробяць, каб узмацніць хватку вакол Беларусі», — адзначыў Уілсан.

Лёгкая перамога дазволіць Пуціну і далей разыгрываць карту нацыяналізму ва ўнутранай палітыцы, дэманстраваць веліч адміністрацыі, не чакаючы рэакцыі Захаду, у адрозьненьне ад Данбаса, які ператварыўся ў вялікую праблему для Пуціна.

Другая магчымая сфэра дэстабілізацыі, на думку экспэрта, гэта — мяжа Ўкраіны і Малдовы.

Цяпер ёсьць дамоўленасьць паміж Малдовай і Украінай, каб у рэшце рэшт, усталяваць кантроль на мяжы на ўсходзе Прыднястроўя. Паводле гэтай дамоўленасьці, украінцы дазволяць малдаўскім памежнікам разьмясьціцца на тэрыторыі Ўкраіны, паколькі яны ня могуць знаходзіцца на тэрыторыі Прыднястроўя.

Ваша меркаваньне

Паказаць камэнтары

XS
SM
MD
LG