Лінкі ўнівэрсальнага доступу

Вялікая Брытанія ўпершыню прызнала свой доўг перад Эўразьвязам


Вялікая Брытанія прызнала наяўнасьць даўгоў перад Эўразьвязам у сувязі з Брэксытам. Пра гэта паведамляе газэта The Financial Times.

У заяве, накіраванай у парлямэнт Вялікабрытаніі намесьнікам міністра ў справах Брэксыту Джойсам Энэлэем, адзначаецца, што Лёндан і Брусэль маюць узаемныя абавязаньні, якія неабходна ўрэгуляваць.

Раней брытанскі ўрад апублікаваў законапраект аб выхадзе з Эўразьвязу. Дакумэнт прадугледжвае адмену ў будучыні дзеяньня акту аб Эўрапейскіх супольнасьцях 1972 году, на падставе якога краіна ўступіла ў Эўрапейскі Зьвяз, а таксама замену законаў ЭЗ брытанскімі.

Лейбарысты, лібэрал-дэмакраты і Шатляндыя заявілі, што не падтрымаюць законапраект.

Перамовы Лёндана і Брусэля аб выхадзе Вялікабрытаніі з Эўразьвязу пачаліся 19 чэрвеня. Чакаецца, што яны працягнуцца два гады.

Ваша меркаваньне

Паказаць камэнтары

XS
SM
MD
LG