Кіраўнік Эўрапейскай камісіі Жан-Клёд Юнкер заклікаў Украіну ўзмацніць барацьбу з карупцыяй, якая перашкаджае краіне дамагчыся адпаведнасьці эўрапейскім нормам.
Выступаючы на прэс-канфэрэнцыі ў Кіеве па выніках саміту Ўкраіна-ЭЗ, Юнкер паведаміў аб дасягненьні дамоўленасьці з украінскім лідэрам Пятром Парашэнкам аб стварэньні спэцыяльнай прававой структуры па барацьбе з карупцыяй.
Парашэнка, са свайго боку, выказаў надзею на далейшую інтэграцыю з Эўразьвязам — у прыватнасьці, на ўступленьне Ўкраіны ў эўрапейскі мытны саюз і далучэньне да Шэнгенскай дамовы. Падчас брыфінгу ўкраінскі лідэр заклікаў пачаць падрыхтоўку «дарожнай мапы» для рэалізацыі гэтых мэтаў.
Раней у чацьвер старшыня Эўрапейскай рады Дональд Туск перадаў Парашэнку рашэньне аб ратыфікацыі Пагадненьня аб асацыяцыі паміж ЭЗ і Ўкраінай. ЭЗ цалкам зацьвердзіў дакумэнт 11 ліпеня. Пагадненьне набудзе моц 1 верасьня.
