Лінкі ўнівэрсальнага доступу

Amnesty International: у баях за Мосул абодва бакі ўчынілі ваенныя злачынствы


Адобва бакі што ваявалі за ірацкі горад Мосул, учынілі злачынствы супраць цывільнага насельніцтва, заявіла міжнародная праваабарончая арганізацыя Amnesty International.

«У некаторых выпадках гэтыя дзеяньні раўназначныя ваенным злачынствам», — напісалі праваабаронцы ў справаздачы «Любой цаной: грамадзянская катастрофа ў заходнім Мосуле, Ірак», апублікаванай 11 ліпеня.

У новым дакладзе прыводзяцца паказаньні відавочцаў — мясцовых жыхароў, лекараў, супрацоўнікаў гуманітарнай місій, журналістаў, супрацоўнікаў ААН, экспэртаў па ўзбраеньнях.

У дакумэнце, у прыватнасьці, сьцьвярджаецца, што баевікі з джыхадысцкай групоўкі «Ісламская дзяржава» у баях за заходнюю частку Мосула:

  • выкарыстоўвалі ў якасьці жывых шчытоў мірных жыхароў, сагнаных з навакольных вёсак,
  • перашкаджалі насельніцтву бегчы з Мосула, замініраваўшы шляхі магчымай эвакуацыі,
  • забівалі мірных жыхароў, якія спрабавалі супраціўляцца баевікам.

У той жа час ірацкія салдаты і войскі кааліцыі пад камандаваньнем ЗША, гаворыцца ў дакладзе:

  • ўжывалі ўзбраеньне, «якое ні пры якіх абставінах недапушчальна ўжываць у густанаселеных раёнах»,
  • забілі ня менш за 426 мірных жыхароў, ужываючы цяжкія і невысокадакладныя віды ўзбраеньняў

Праваабаронцы Amnesty International заклікалі правесьці незалежнае расьсьледаваньне меркаваных ваенных злачынстваў у Мосуле.

Ваша меркаваньне

Паказаць камэнтары

XS
SM
MD
LG