Лінкі ўнівэрсальнага доступу

Парашэнка сустрэўся са сваякамі Паўла Шарамета


Прэзыдэнт Украіны ізноў запатрабаваў ад праваахоўных органаў справаздачы па справе забітага журналіста. Пятро Парашэнка заяўвіў, што праваахоўныя органы павінны ў бліжэйшы час правесьці публічную справаздачу аб выніках сьледзтва ў справе пра забойства журналіста Паўла Шарамета.

Пра гэта ён сказаў сёньня на сустрэчы са сваякамі Паўла Шарамета і прадстаўнікамі Міжнароднага камітэту абароны журналістаў. На сустрэчы прысутнічала маці Паўла Шарамета Людміла і былая грамадзянская жонка забітага журналіста Алена Прытула.

Пятро Парашэнка запэўніў, што гатовы зрабіць усё, што ад яго залежыць, для поўнага расьсьледаваньня, і адзначыў, што, як і журналісты, зацікаўлены ў празрыстым расьсьледаваньні забойства Паўла Шарамета.

Беларускі, расейскі і ўкраінскі журналіст Павал Шарамет загінуў 20 ліпеня 2016 году ў цэнтры Кіева ў выніку выбуху аўтамабіля. Паліцыя кваліфікуе яго гібель як наўмыснае забойства, учыненае спосабам, небясьпечным для жыцьця многіх людзей.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG