Лінкі ўнівэрсальнага доступу

Белы дом заяўляе аб падтрымцы новых санкцыяў супраць Расеі


Будынак Белага дому ў Вашынгтоне

Адміністрацыя прэзыдэнта ЗША Дональда Трампа падтрымлівае ўвядзеньне новых санкцыяў супраць Расеі, паведаміў 10 ліпеня дырэктар Белага дома ў пытаньнях заканадаўства Марк Шорт.

У той жа час, дадаў чыноўнік, у адміністрацыі Трампа хочуць зьменаў ва ўхваленым Сэнатам законапраекце, каб гэты дакумэнт не абмяжоўваў паўнамоцтваў у пытаньні накладаньня або адмены санкцыяў.

«Наш непакой выклікае тое, што заканадаўства, на нашу думку, вызначае надзвычайны прэцэдэнт дэлегаваньня ў пытаньнях замежнай палітыкі чальцам Кангрэсу», — адзначыў Марк Шорт.

Законапраект аб накладаньні на Расею новых санкцыяў, прыняты празь верагоднае ўмяшаньне ў выбарчы працэс у ЗША і зь іншых прычынаў, сярод якіх дзеяньні Масквы супраць Украіны, быў амаль аднадушна ўхвалены ў Сэнаце. З працэдурных прычынаў ягонае зацьвярджэньне прыпынілася ў Палаце прадстаўнікоў.

XS
SM
MD
LG