Гэта пацьвердзілі дзяржсакратар ЗША Рэкс Тылерсан і кіраўнік МЗС Расеі Сяргей Лаўроў у кулюарах саміту «Вялікай дваццаткі» ў Гамбургу.
Паводле Тылерсана, гаворка ідзе пра тую зону ваенных дзеяньняў, якая знаходзіцца недалёка ад Ярданіі.
Дзяржсакратар адзначыў, што дасягнутая дамоўленасьць паказала здольнасьць ЗША і Расеі супрацоўнічаць у справе ўрэгуляваньня ў Сырыі. Абедзьве краіны працягнуць намаганьні ў гэтым самым кірунку ў дачыненьні да сытуацыі ў іншых раёнах Сырыі, сказаў Тылерсан.
У ходзе шасьцігадовага ўзброенага канфлікту ў Сырыі загінулі амаль паўмільёна чалавек. Мільёны людзей былі вымушаныя пакінуць свае дамы.
