Акцыя за вызваленьне палітвязьняў і супраць вучэньняў «Захад-2017». Фотарэпартаж

12 актывістаў сталі ў ланцуг на Кастрычніцкай плошчы з партрэтамі і плякатамі — «Свабоду палітвязьням», «Русский солдат, иди домой».

У акцыі ўдзельнічалі актывісты Максім Вінярскі, Генадзь Кулакоў, Вольга Мікалайчык, Андрэй Шарэнда і Натальля Папкова зь Берасьця, а таксама Рыгор Грык з Баранавіч, які прыйшоў на акцыю традыцыйна для сябе ў паласатым «турэмным» адзеньні.