Лінкі ўнівэрсальнага доступу

Газавыя турбіны Siemens, нягледзячы на санкцыі ЭЗ, даставілі ў Крым


Электрастанцыя, якая будуецца ў Сэвастопалі

Расея накіравала ў Крым газавыя турбіны нямецкага канцэрну Siemens, нягледзячы на тое, што ЭЗ забараніў эўрапейскім кампаніям пастаўляць энэргетычныя тэхналёгіі на тэрыторыю паўвострава. Пра гэта са спасылкай на крыніцы паведамляе Reuters.

Турбіны былі зробленыя на сумесным з расейскім канцэрнам «Сілавыя машыны» заводзе «Сімэнс тэхналёгіі газавых турбін». У сакавіку нямецкая кампанія заяўляла, што абсталяваньне было дастаўлена ў Тамань, аднак, як сьцьвярджаюць крыніцы Reuters, дзьве з чатырох турбін апынуліся ў Сэвастопалі, дзе іх зьбіраюцца ўсталяваць на мясцовай электрастанцыі.

Ці ўдзельнічала Siemens ва ўзгадненьні пастаўкі свайго абсталяваньня ў Крым і ці было пра гэта паведамлена расейскім бокам, невядома, аднак цяпер кампаніі можа пагражаць абвінавачаньне ў парушэньні санкцыйнай палітыкі Эўразьвязу. У самім канцэрне пры гэтым адпрэчваюць інфармацыю пра пастаўку сваіх газавых турбін на тэрыторыю анэксаванага паўвострава. У Міністэрстве энэргетыкі Расеі адмовіліся ад камэнтароў.

Пра тое, што Расея плянуе ўсталяваць на электрастанцыях, якія будуюцца ў Крыме, абсталяваньне Siemens, яшчэ ў 2015 годзе паведамляла газэта «Ведомости».

Ваша меркаваньне

Паказаць камэнтары

XS
SM
MD
LG