Рашэньне пацьвердзіў акруговы суд Вільні. Цітоў зьбіраецца падаваць апэляцыю ў Вярхоўны суд Літвы, бо іначай будзе дэпартаваны ў Расею ўвосень.
Яўген Цітоў у Расеі асьвятляў у тым ліку тэмы падрыхтоўкі Алімпіяды ў Сочы і парушэньня правоў чалавека ў Краснадарскім краі. У 2015 годзе паведамлялася пра спробу нападу на Цітова пасьля таго, як ён наведаў будаўніцтва Крымскага моста. Шэраг журналістаў атрымалі SMS з заявай пра тое, што Цітоў быў нібыта «забіты ў Тэмруку».
«Расея на парозе вялікай вайны, я не хачу ўдзельнічаць». Чаму Цітоў уцёк у Вільню
Журналіст сьцьвярджае, што яго падтрымлівае Міністэрства замежных справаў Літвы, праваабарончыя арганізацыі і мясцовыя жыхары. Рашэньне МУС ён называе нечаканым. Цяпер ён супрацоўнічае зь літоўскімі СМІ, у тым ліку Delfi, вучыць літоўскую мову.
У Расеі ў Цітова засталася сям’я, але ён лічыць, што туды яму вяртацца нельга, бо гэта для яго «кепска скончыцца». Ён разглядае як варыянт пераезд ва Ўкраіну.