Прычым спрэем зафарбаваныя толькі беларускія часткі паказальнікаў.
«Такі факт меў месца. Нас асабліва насьцярожвае, што гэта ня першы выпадак вандалізму ў дачыненьні да беларускамоўных дарожных знакаў. Спадзяёмся, што ў гэты раз, у адрозьненьне ад папярэдніх, вінаватыя будуць устаноўленыя», — сказаў Мірончык.
Гэта ня першы акт вандалізму ў гміне Ворля. У 2012 годзе нехта замаляваў больш за дзясятак дзьвюхмоўных паказальнікаў.
«Зыходзім з таго, што падобныя праяўленьні, якія закранаюць пачуцьці нацыянальных меншасьцяў, заслугоўваюць рашучага асуджэньня як уладамі, так і ўсімі здаровымі сіламі грамадзтва» — заявіў прэсавы сакратар МЗС Беларусі.
