Лінкі ўнівэрсальнага доступу

У Львове ў сынагогу кінулі бутэльку з запальнай сумесьсю


Панарама Старога Львова

У Львове невядомыя кінулі бутэльку з запальнай сумесьсю ў сынагогу, а на сьценах іншай напісалі абразьлівыя выразы. Пра гэта паведаміла дырэктарка Ўсеўкраінскага габрэйскага дабрачыннага фонду «Хэсэль-Ар’е» Адэль Дыянава.

Паводле яе слоў, невядомыя кінулі «кактэйль Молатава» у дзеючую сынагогу на вуліцы Братоў Міхноўскіх, а таксама напісалі абразьлівыя выказваньні на сынагозе на вуліцы Вугальнай.

У інтэрвію львоўскаму выданьню «Захид» Дыянава ўдакладніла, што абразьлівыя выказваньні былі зьвязаны з масавым забойствам львоўскіх габрэяў у пачатку Вялікай Айчыннай вайны. Гадавіна гэтых трагічных падзей прыпадае на 30 чэрвеня.

Муніцыпальныя ўлады выступілі з асуджэньнем гэтых актаў вандалізму. «Вінаватыя павінны быць прыцягнутыя да адказнасьці. Зьвяртаемся да праваахоўных органаў, каб максымальна апэратыўна расьсьледаваць гэтыя дзеяньні», — заявіў намесьнік мэра Львова ў пытаньнях разьвіцьця Андрэй Маскаленка.

Невядомыя таксама скралі бронзавы вянок з Магілы Невядомага Салдата на тэрыторыі мэмарыяльнага комплексу Пагорак Славы ў Львове. Пра гэта ў панядзелак паведаміла прэс-служба ўпраўленьня паліцыі Львоўскай вобласьці. Акрамя таго, у Радэхаўскім раёне гораду з бронзавай скульптуры салдат Вялікай Айчыннай вайны была зрэзаныя буйныя элемэнты. Па гэтым факце ўжо адкрыта крымінальная вытворчасьць.

Ваша меркаваньне

Паказаць камэнтары

XS
SM
MD
LG