Пра гэта паведамляе тэлекампанія CNN са спасылкай на прадстаўніка амэрыканскай адміністрацыі.
На пытаньне аб тым, ці зьбіраецца прэзыдэнт абмеркаваць умяшаньне Расеі ў выбарах 2016 года, дарадца па нацыянальнай бясьпецы Гэрбэрт МакМастэр заявіў журналістам на мінулым тыдні: «Няма канкрэтнага парадку дня. На самай справе гэта будзе тое, пра што прэзыдэнт хоча пагаварыць».
Верагодна, ён паспрабуе прыцягнуць Пуціна да размовы аб падтрымцы Расеяй сырыйскага дыктатара Башара Асада і ўсё больш напружанай сытуацыі ў гэтай краіне. Па словах чыноўнікаў адміністрацыі, Трамп таксама можа абмеркаваць дзеяньні Расеі ва Ўкраіне, хаця Сырыя зьяўляецца вялікім прыярытэтам для Трампа.
Гэта будзе першая сустрэча Трампа і Пуціна. Раней паведамлялася, што сустрэча прэзыдэнтаў Расеі і ЗША можа адбыцца ў кулюарах саміту «Дваццаткі» у Гамбургу.
