Пра гэта паведамляе БЕЛТА. Мытнікаў абвінавачваюць у арганізацыі шырокамаштабнай схемы ўхіленьне ад выплаты мыта.
Пракурор запрасіў для падсуднага Юрыя Кавальчука 7 гадоў пазбаўленьне волі ў калёніі ўзмоцненага рэжыму з канфіскацыяй маёмасьці. Абвінаваўца таксама папрасіў суд спагнаць з абвінавачаных у даход дзяржавы сумы нанесенай шкоды.
Агучаныя сумы варʼіраваліся ад $3,3 тыс. да больш чым $124 тыс. Па справе праходзяць 16 чалавек, 11 зь іх утрымліваюцца пад вартай, астатнія 5 — пад хатнім арыштам і падпіскай аб нявыезьдзе.
Паводле вэрсіі абвінавачаньня, удзельнікі злачыннай групы за хабар у парушэньне мытнага заканадаўства бесьперашкодна прапускалі буйныя партыі тавараў празь дзяржаўную мяжу Беларусі ў пункце пропуску «Каменны Лог». Сумы незаконнага грашовага ўзнагароджаньня складалі ад $250 да $3 тыс. Адзін з удзельнікаў злачыннай групы за штомесячнае ўзнагароджаньне ў $1 тыс. інфармаваў іншых удзельнікаў групы аб праверках, заплянаваных камітэтам дзяржкантролю.