Лінкі ўнівэрсальнага доступу

Бэрлін забараніў Эрдагану сустрэцца з туркамі ў Нямеччыне


Прэзыдэнт Турэччыны Рэджэп Эрдаган

Урад Нямеччыны адхіліла запыт прэзыдэнта Турэччыны Рэджэпа Эрдагана на выступ перад турэцкай дыяспарай у Гамбургу падчас саміту «Вялікай дваццаткі» у пачатку ліпеня.

Пра гэта заявіўшы міністар замежных справаў Нямеччыны Зыгмар Габрыель. У нямецкім урадзе пацьвердзілі, што заява Габрыеля ўзгодненая з канцлерам Ангелай Мэркель.

Кіраўнік нямецкага МЗС адзначыў, што на фоне рознагалосься паміж Бэрлінам і Анкарой зварот прэзыдэнта Турэччыны да суайчыньнікаў быў бы «не да месца». Габрыель таксама выказаўся за супольную забарону выступленьняў замежных палітыкаў не з краінаў ЭЗ незадоўга да парлямэнцкіх выбараў, якія адбудуцца ў Нямеччыне ў верасьні.

Раней у Нямеччыне забаранілі мерапрыемствы з удзелам кіраўніка турэцкага міністэрства юстыцыі Бэкіра Боздага і міністра эканомікі Ніхата Зэйбэкчы. Яны зьбіраліся агітаваць на карысьць канстытуцыйнай рэформы Эрдагана. Улады Нямеччыны заявілі, што арганізатары не могуць гарантаваць бясьпеку ўдзельнікам мерапрыемстваў.

Тады ж улады Нідэрляндаў адмовілі ва ўезьдзе ў краіну міністру замежных справаў Турэччыны Мэўлюту Чавушаглу. Дыплямат таксама плянаваў выступіць на мітынгу перад прадстаўнікамі дыяспары. Улады палічылі, што акцыя стварае пагрозу грамадзкай бясьпецы.

Ваша меркаваньне

Паказаць камэнтары

XS
SM
MD
LG