Нарада калегіі праходзіла ў Маскоўскім акруговым ваенным судзе з аўторка. Прысяжным неабходна было адказаць на 26 пытаньняў суду. Абарона Дадаева заявіла, што прыме любы вэрдыкт.
Акрамя Дадаева на лаве падсудных знаходзяцца Анзор і Шадзід Губашавы, Тамерлан Эскерханаў і Хамзат Бахаеў. У ходзе сьледзтва Заўр Дадаеў і браты Губашавы давалі прызнальныя паказаньні, але ў судзе адмовіліся ад іх, заявіўшы, што спазналі катаваньні.
Судовы працэс па справе аб забойстве апазыцыянэра пачаўся ў пачатку кастрычніка 2016 году. За гэты час абарона сямʼі Нямцова неаднаразова хадайнічала аб выкліку ў якасьці сьведак прадстаўнікоў кіраўніцтва Чачні, уключаючы кіраўніка рэспублікі Рамзана Кадырава.
Барыс Нямцоў быў забіты 27 лютага 2015 году на Вялікім Маскварэцкім мосьце ў Маскве.
