Напад адбыўся падчас таго, як прэзыдэнт краіны Нікаляс Мадура выступаў у жывым эфіры па дзяржаўным тэлебачаньні. Па трывозе былі паднятыя сілы проціпаветранай абароны.
Па дадзеных СМІ, за нападам стаяць паліцыянты, якія выступаюць супраць ураду. Супрацоўнік МУС Оскар Пэрэс выклаў у сацыяльных сетках відэазварот, у якім заклікаў Нікаляса Мадуру да адстаўкі. Улады Вэнэсуэлы пакуль не назвалі імёнаў падазраваных, ідзе сьледзтва.
З красавіка Вэнэсуэлу ахапілі масавыя пратэсты супраць ураду. Некаторыя зь іх перараслі ў беспарадкі, у сутыкненьнях з паліцыяй загінулі каля 70 чалавек. Улады Вэнэсуэлы сьцьвярджаюць, што краіне пагражае грамадзянская вайна, і называюць дэманстрантаў «тэрарыстамі».
