Грошы на праект зьбіраюцца на сайце Talaka.by. На момант публікацыі сабрана 32% з патрэбных 15 тысяч рублёў.
За 12 рублёў можна атрымаць запрашэньне на канцэрт-прэм’еру, за большыя сумы — «маўклівыя кнігі» (сэрыя дызайнэрскіх нататнікаў з выявамі паэтаў), сувэнірныя сьвітшоты, выходныя на хутары Зьмітра Вайцюшкевіча, курсы вакалу ад Сяргея Доўгушава або прыватны канцэрт аднаго з удзельнікаў праекту.
Альбом мае быць выдадзены ўвосень, праца ў студыі ўжо пачалася. Прэзэнтацыя заплянаваная ў менскім клюбе «Бруге» на 29 кастрычніка — 80-ю гадавіну «чорнай ночы».
Апісаны таксама папярэдні трэк-ліст альбому:
Akute — песьня на верш Анатоля Вольнага «Я цябе пакахаў»; Dzieciuki — неназваны верш Міхася Чарота; Naka — неназваны верш Валера Маракова; Re1ikt — неназваны верш Міхася Зарэцкага; TonqiXod — неназваны верш Тодара Кляшторнага; Vinsent — «Мэтрапалітэн» Зямы Піваварава; Vuraj — неназваны верш Юркі Лявоннага; Аляксандар Памідораў — «Гультай» Майсея Кульбака; Зьміцер Вайцюшкевіч — Уладзіслава Галубка; Кацярына Ваданосава — неназваны верш Алеся Дудара; Лявон Вольскі — «Ты помніш» Юлія Таўбіна; Сьвятлана Бень — неназваны верш Ізі Харыка.