Афіцыйны прадстаўнік Міністэрства абароны Беларусі палкоўнік Уладзімер Макараў назваў тых, хто выступае супраць вайсковага параду ў Менску, ідэйнымі нашчадкамі Вільгельма Кубэ — нямецкага гаўляйтэра падчас акупацыі Беларусі нацыстамі.
Палітык Андрэй Дзьмітрыеў ініцыяваў калектыўны пазоў у суд пра абарону гонару і годнасьці, каб запатрабаваць прабачэньняў ад палкоўніка Макарава.
«Гэтае выказваньне глыбока зьневажае тых, хто выступае супраць правядзеньня вайсковых парадаў у горадзе, кіруючыся выключна пытаньнямі рацыянальнага выкарыстаньня бюджэтных сродкаў і бясьпекай людзей,» — гаворыцца ў звароце.
