Лінкі ўнівэрсальнага доступу

Вярхоўны Суд ЗША часткова аднавіў указ прэзыдэнта Трампа


Будынак Вярхоўнага суду ЗША

Вярхоўны Суд Злучаных Штатаў скасаваў рашэньні судоў ніжэйшай інстанцыі, якія блякавалі ўказ прэзыдэнта Дональда Трампа аб 90-дзённай забароне на наведваньне ЗША грамадзянамі шасьці мусульманскіх краінаў.

Суд пакінуў пад абаронай адну катэгорыю замежных грамадзян — тых, хто мае «вартае даверу сьцьверджаньне аб сапраўдных дачыненьнях з фізычнай ці юрыдычнай асобай у Злучаных Штатах».

Суд таксама пагадзіўся разглядзець гэтую справу ў дэталях у кастрычніку.

Забарона тычыцца грамадзян Емэну, Ірану, Лібіі, Самалі, Судану і Сырыі. На мінулым тыдні Трамп пацьвердзіў сваю упэўненасьць у тым, што ягоны ўказ прыняты ў інтарэсах нацыянальнай бясьпекі, нягледзячы на галасы крытыкаў, якія лічаць, што гэта дыскрымінуе мусульманаў у парушэньне Канстытуцыі ЗША.

XS
SM
MD
LG