Як адзначаецца ў абнародаваным судовым рашэньні, Дзьмітры Верамееў пайшоў на зьдзелку са сьледзтвам і паведаміў сьледчым пра месцазнаходжаньне шэрагу дакумэнтаў, і пра ролю іншых падазраваных у справе. Апроч таго, у рамках гэтай зьдзелкі і адпаведна судоваму рашэньню беларус мае кампэнсаваць частку з 2 мільярдаў грыўняў стратаў, нанесеных дзяржаве ў выніку ўхіленьня прадпрыемства ад сплаты падаткаў.
Беларусу прызначылі пакараньне ў выглядзе пяці гадоў пазбаўленьня волі без пазбаўленьня права займаць пэўныя пасады, а таксама штраф у памеры 12 750 грыўняў (каля $500). У той жа час, суд вызваліў беларуса ад пазбаўленьня волі, калі ён на працягу аднаго года ня зьдзейсьніць новага злачынства. Верамееў абавязаны пэрыядычна зьяўляцца для рэгістрацыі да ўпаўнаважанага органа ў пытаньнях прабацыі і паведамляць пра зьмену месца жыхарства.
