«У адказ на больш за 10 снарадаў, запушчаных з Сырыі, авіяцыя атакавала пазыцыі, зь якіх ажыцьцяўляліся абстрэлы, і два сырыйскія танкі», — паведамілі ізраільскія вайскоўцы 24 чэрвеня ў Twitter.
Паводле паведамленьняў, артылерыйскія снарады прызямліліся на Галянскіх вышынях — тэрыторыі, якую Ізраіль захапіў у Сырыі ў 1967 годзе і якая застаецца спрэчнай. Аб параненых у выніку гэтага абстрэлу ізраільскія вайскоўцы не паведамілі.