На днях сам Каталікас-Патрыярх выступіў з такой ініцыятывай, спаслаўшыся на «тысячагадовую традыцыю».
Старшыня парлямэнту Іраклі Кабахідзэ заявіў, што кіроўная партыя «Грузінская мара» гатовая абмеркаваць прапанову аб вяртаньні на пасад прадстаўніка каралеўскага дому Багратыёні. З аналягічнай заявай выступіў і лідэр бальшыні ў парлямэнце Гіёргі Вольскі.
Апазыцыйныя партыі падазраюць, што размовы аб «канстытуцыйнай манархіі» патрэбныя ўладам для нівэляваньня інстытуту прэзыдэнта, бо кіроўная партыя не хавае сваіх рознагалосьсяў зь цяперашнім кіраўніком дзяржавы Гіёргі Маргвэлашвілі.
Каралеўскі дом Багратыёні (Багратыдаў) правіў Грузіяй з 975 па 1801 год, калі Ўсходне-Грузінскае каралеўства было скасавана ўказам імпэратара Расеі Аляксандра I у працэсе яго ўваходу ў склад Расейскай імпэрыі.
