Улады ахарактарызавалі напад як тэракт. У перастрэлцы, якая завязалася зь сіламі бясьпекі двое нападнікаў былі забітыя, трэцяму ўдалося ўцячы. Загінулі таксама два турысты, трое супрацоўнікаў ААН атрымалі раненьні. Трыццаць два закладнікі вызваленыя.
Раней у гэтым месяцы амбасада ЗША ў Малі папярэдзіла грамадзян заходніх краінаў, што ім пагражае павышаная небясьпека.
У лістападзе 2015 году адбыўся напад на гатэль Radisson Blu ў Бамако, падчас якога былі ўзятыя ў закладнікі заходнія турысты, каля 20 чалавек загінулі. Пасьля гэтага нападу ў Малі было абвешчана надзвычайнае становішча, якое захоўваецца да гэтага часу. Францыя і Арганізацыя Аб’яднаных Нацый дапамагаюць ўраду Малі ў барацьбе з экстрэмістамі.
