Маракі карабля-зьнішчальніка Вайскова-марскіх сілаў ЗША «Фіцджэральд», які сутыкнуўся з гандлёвым караблём «Крыстал» ля берагоў Японіі, загінулі, гаворыцца ў паведамленьні на сайце 7-га флёту ВМС ЗША.
«Зьніклыя маракі знаходзіліся ў каютах, затопленых вадой. Цяпер іх перавозяць у вайскова-марскі шпіталь горада Ёкасука, дзе будзе праводзіцца апазнаньне», — гаворыцца ў заяве.
Пра тое, што амэрыканскі зьнішчальнік сутыкнуўся зь філіпінскім кантэйнэрным караблём ля берагоў Японіі, стала вядома ў суботу раніцай.
У выніку інцыдэнту зьнішчальнік атрымаў пашкоджаньне на правым борце, пасьля чаго ў корпус трапіла вада.
