Лінкі ўнівэрсальнага доступу

Паліцыя ЗША выдала ордэр на арышт целаахоўнікаў Эрдагана


Прэзыдэнт Турэччыны назірае, як ягоная ахова месіць пратэстоўцаў
пачакайце

No media source currently available

0:00 0:00:52 0:00

Прэзыдэнт Турэччыны назірае, як ягоная ахова месіць пратэстоўцаў

Паліцыя гораду Вашынгтону выдала ордэры на арышт 12 грамадзян Турэччыны і двух грамадзян Канады, якіх вінавацяць у нападзе на армянскіх і курдзкіх пратэстоўцаў пад турэцкай амбасадай 16 траўня, у час візыту ў ЗША прэзыдэнта Турэччыны Рэджэпа Таіпа Эрдагана. Двое грамадзян Турэцкай Рэспублікі арыштаваныя.

Паводле зьвестак паліцыі, сярод падазраваных грамадзян Турэччыны — тры афіцэры паліцыі і 9 агентаў службы бясьпекі, у тым ліку агенты з атачэньня Эрдагана. Целаахоўнікі Эрдагана, абвінавачаныя ў нападах, вярнуліся ў Турэччыну. У справе таксама фігуруюць чацьвёра грамадзян ЗША.

Эрдаган, які асабіста назіраў за бойкай, раскрытыкаваў выдачу ордэраў на арышт, спытаўшы, «што гэта за закон такі»:

«Калі мае целаахоўнікі ня могуць мяне абараніць, то навошта я іх прывозіў з сабой у Амэрыку?» — абураўся Эрдаган, заявіўшы, што амэрыканская паліцыя нібыта не спрабавала разьняць бойку.

У амбасадзе Турэччыны заяўлялі, што пратэстоўцы ёсьць сябрамі забароненай у Турэччыне «Рабочай партыі Курдыстану».

Бойка аховы Эрдагана з пратэстоўцамі ў Вашынгтоне
пачакайце

No media source currently available

0:00 0:01:30 0:00

Ваша меркаваньне

Паказаць камэнтары

XS
SM
MD
LG