Лінкі ўнівэрсальнага доступу

У Канадзе зладзяць флэшмоб у падтрымку зьняволеных у «справе патрыётаў»


Ілюстрацыйнае фота. Беларусы Таронта, Дзень Волі-2017
Ілюстрацыйнае фота. Беларусы Таронта, Дзень Волі-2017

Увечары 15 чэрвеня на плошчы перад мэрыяй канадзкага Таронта мясцовыя беларусы заплянавалі флэшмоб у падтрымку зьняволеных у «справе патрыётаў». Арганізатары прапануюць удзельнікам сабрацца а 18-й гадзіне вечара паводле мясцовага часу, зрабіць фота на фоне вядомага месца ў горадзе з плякатам «Патрыёт не злачынца».

«Прыходзьце самі і запрашайце сяброў — нашым землякам вельмі важна часта проста ведаць, што яны не адны», — піша арганізатарка Валянціна Шаўчэнка.

Беларуская дыяспара ў Таронта даволі актыўная: пэрыядычна ладзіць сустрэчы зь вядомымі беларусамі, канцэрты беларускіх сьпевакоў, адзначае нацыянальныя сьвяты. Напрыклад, сьвяткаваньне Дня Волі ў 2017 годзе ў Таронта выглядала так.

У «справе патрыётаў» за кратамі застаюцца 14 чалавек, супраць якіх заведзеныя крымінальныя справы за «навучаньне і падрыхтоўку да ўдзелу ў масавых беспарадках» і «стварэньне незаконнага ўзброенага фармаваньня». Шэраг затрыманых вызвалілі, справы супраць некаторых вызваленых спынілі. Затрыманыя казалі пра катаваньні, але Генпракуратура ня бачыць падставаў для пракурорскай праверкі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG