Беларусь адмовіцца ад расейскага рубля як рэзэрвовай валюты. Пра гэта гаворыцца на сайце беларускага Нацыянальнага банку. Ад 1 ліпеня стан золатавалютных рэзэрваў Беларусі будзе характарызавацца велічынёй міжнародных рэзэрвовых актываў.
Да гэтага Нацыянальны банк Беларусі штомесяц публікаваў паказьнікі рэзэрваў, разьлічаныя па нацыянальнай мэтодыцы і мэтодыцы Міжнароднага валютнага фонду. Нацыянальныя стандарты, акрамя расейскага рубля, ўключалі ў склад рэзэрваў долі каштоўных камянёў і мэталяў, якія не адносяцца да манэтарнага золата.
