Лінкі ўнівэрсальнага доступу

Эўразьвяз створыць сыстэму папярэдняга кантролю для бязьвізавых уездаў


Краіны Эўразьвязу заключылі палітычны дагавор аб стварэньні сыстэмы папярэдняга кантролю пры ўезьдзе на тэрыторыю ЭЗ. Праз гэтую сыстэму павінна адбывацца папярэдняя рэгістрацыя грамадзян, якія маюць права ўяжджаць у Эўропу бязь візы.

Аўтаматычная сыстэма, якая атрымала назву ETIAS, аналягічная амэрыканскаму фармуляру Esta і прызначаная для абароны межаў Эўразьвязу.

З дапамогай сыстэмы ETIAS грамадзяне такіх краін, як ЗША, Альбанія, Бразылія, Ізраіль ці Аб’яднаныя арабскія эміраты, павінны будуць запытваць папярэдняга дазволу на наведваньне Эўразьвязу. Прадугледжваецца збор у памеры 5 эўра за рэгістрацыю на сайце.

Праверка зьвестак пра падарожніка з дапамогай розных эўрапейскіх інфармацыйных баз дазволіць загадзя вызначаць асоб, якія могуць ствараць пагрозу «з пункту гледжаньня нелегальнай міграцыі або бясьпекі», паведаміла Міжнароднае францускае радыё.

XS
SM
MD
LG