Лінкі ўнівэрсальнага доступу

Супраць намесьніка старшыні Беларускага ПЭН-цэнтру суд спыніў справу. Але пачалася другая


Дом, дзе месьціцца офіс ПЭН-цэнтру

8 чэрвеня Савецкі суд Менску спыніў справу супраць першага намесьніка старшыні Беларускага ПЭН-цэнтру Паўла Анціпава з прычыны адсутнасьці адміністрацыйнага правапарушэньня.

Справа была распачатая па артыкуле 23.4 (непадпарадкаваньне законнаму распараджэньню службовай асобы).

Аднак пытаньне вакол памяшканьня Беларускага ПЭН-цэнтру не закрытае, сказаў карэспандэнту Свабоды Павал Анціпаў.

«Мы радаваліся ажно дзьве гадзіны, што справу супраць мяне спынілі. А празь дзьве гадзіны пасьля суду да нас прыйшла камісія з ЖЭУ, каб скласьці пратакол на мяне, што мы нямэтава выкарыстоўваем памяшканьне.

Пасьля кансультацыі зь юрыстамі я пайшоў на гэты працэс і папрасіў, каб яны нам зрабілі прадпісаньне, каб мы ведалі, што мы павінны зрабіць, каб, на іх погляд, гэта было жылое памяшканьне. Яны вельмі хацелі скласьці гэты пратакол, але я прасіў, каб яны сказалі, што мы павінны зрабіць, і, магчыма, мы выправім.

Але яны ня вельмі ведалі, што мы павінны выправіць, і перанесьлі разгляд справы ў ЖЭУ (пр. Машэрава, 8) на панядзелак. Цяпер мне трэба знайсьці адваката. То бок усё ідзе адно за адным».

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG