Лінкі ўнівэрсальнага доступу

Расіянін, якога затрымалі ў Баранавічах за курэньне на пэроне, 23 гады ў вышуку за забойства


18 траўня на вакзале «Баранавічы-Палескія» міліцыянты за паленьне на пэроне затрымалі 54-гадовага расіяніна. Праверыўшы ягоныя дадзеныя ў базе, высьветлілі, што той ад 1993 году знаходзіцца ў міждзяржаўным вышуку МУС Расеі па Калінінградзкай вобласьці, паведамляе баранавіцкае інтэрнэт-выданьне Intex-press.

Мужчына быў абвешчаны ў вышук паводле абвінавачаньня па двух артыкулах: забойства пры абцяжарваючых абставінах і наўмыснае зьнішчэньне або пашкоджаньне маёмасьці.

— Мужчына 23 гады хаваўся ад сьледзтва на тэрыторыі Беларусі і Ўкраіны, — распавёў Intex-press Дзьмітры Петрашэвіч з Баранавіцкага ўпраўленьня ўнутраных справаў.

Цяпер мужчына шпіталізаваны: незадоўга да затрыманьня ў яго здарыўся мікраінфаркт. У шпіталі ён знаходзіцца ў адмысловай палате пад кругласутачнай аховай міліцыянтаў.

Калі ён паправіцца, яго перададуць паліцыі Расеі.

Глядзець камэнтары (2)

Гэтая дыскусія закрытая.
Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG