«Сёньня я прапаную кандыдатуру Крыстафэра Рэя, чалавека зь бездакорнай рэпутацыяй, у якасьці новага дырэктара ФБР. Падрабязнасьці пазьней», — напісаў Трамп.
Крыстафэр Рэй — прафэсійны юрыст. Працаваў у Дэпартамэнце юстыцыі падчас прэзыдэнтуры Джорджа Буша-малодшага.
9 траўня Трамп адправіў былога дырэктара ФБР Джэймса Коўмі ў адстаўку, падкрэсьліўшы, што не задаволены яго працай. Коўмі быў прызначаны на пасаду кіраўніка ФБР улетку 2013 года папярэдняй адміністрацыяй ЗША Барака Абамы.