Акрамя гэтага, у прысудзе гаворыцца пра канфіскацыю маёмасьці экс-банкіра, забарону на працягу трох гадоў займацца прафэсійнай дзейнасьцю і штраф у памеры 300 месячных разьліковых паказчыкаў, што складае больш за 2100 даляраў.
Аблязаў быў прызнаны вінаватым у зьдзяйсьненьні злачынстваў па шасьці артыкулах Крымінальнага кодэксу Казахстана, у тым ліку: стварэньне злачыннай супольнасьці, растрата чужой маёмасьці, легалізацыя сродкаў, атрыманых злачынным шляхам, злоўжываньне паўнамоцтвамі.
Сам экс-банкір на працэсе не прысутнічаў, паколькі ўжо некалькі гадоў знаходзіцца ў Францыі.
Экс-міністар энэргетыкі Казахстану, апазыцыянэр Мухтар Аблязаў заявіў аб адраджэньні руху «Дэмакратычны Выбар Казахстану» і заклікае ўступаць у яго прыхільнікаў, якія «хочуць змагацца з рэжымам».
