Лінкі ўнівэрсальнага доступу

Сэнат ЗША вывучае магчымасьці ўзмацненьня жорсткасьці антырасейскіх санкцыяў


Вядомыя прадстаўнікі абедзьвюх партыяў у верхняй палаце Кангрэсу разглядаюць пэрспэктывы прымяненьня новых санкцыяў да Расеі ў адказ на шматлікія атакі расейскіх хакераў на ЗША і ўмяшаньне Крамля ў леташнюю перадвыбарчую кампанію. Пра гэта паведамляе выданьне Politico са спасылкай на дасьведчаную крыніцу ў Сэнаце.

Санкцыі могуць быць уведзеныя асобным заканадаўчым актам або ў якасьці папраўкі да закону аб пашырэньні санкцыйнага рэжыму ў дачыненьні да Ірану. Выданьне лічыць больш верагодным другі сцэнар, ён будзе ўнесены на разгляд ужо ў канцы гэтага тыдня. Яго падтрымліваюць рэспубліканцы Джон Маккейн і Ліндсі Грэм і лідэр Дэмакратычнай фракцыі ў Сэнаце Чарльз Шумэр. Да прыняцьця дадатковых штрафных захадаў супраць Расеі схіляецца таксама намесьнік старшыні Міжнароднага камітэту дэмакрат Бэн Кардын. Лідэр большасьці ў Сэнаце Мітч Макконэл пазначыў сваю пазыцыю ў дачыненьні антырасейскіх санкцыяў яшчэ да інаўгурацыі Дональда Трампа, заявіўшы: «Расея нам ня сябар».

Новы пакет санкцыяў, піша Politico, можа быць скіраваны супраць канкрэтных расейскіх прадстаўнікоў або заключацца ў наданьні ужо дзейным абмежавальным захадам, уведзеным указамі Барака Абамы, сілы закону, што абцяжарыць іх адмену адміністрацыяй Трампа.

Ваша меркаваньне

Паказаць камэнтары

XS
SM
MD
LG